لیبین کوسٹ گارڈز نے مہاجرین کی کشتی ڈوبنے سے بچا لی

لیبیا کے کوسٹ گارڈز نے اُس وقت ایک سو سے زائد مہاجرین کو ڈوبنے سے بچا لیا جب یورپ کی طرف سفر کرنے والی ان کی کشتی سمندر میں اُلٹ گئی۔

بچائے گئے لوگوں کے مطابق انہیں اُس وقت مدد پہنچی جب وہ ڈوبنے ہی والے تھے۔

ان کا کہنا تھا کہ ان کی کشتی تک لیبیا کے کوسٹ گارڈز کے پہنچنے سے قبل وہ 24گھنٹے تک سمندر میں بے یار و مددگار رہے تھے۔

رواں برس اب تک بحیرہ روم میں دو ہزار سے زائد ایسے مہاجرین ڈوب کر ہلاک ہو چکے ہیں جو یورپ پہنچنے کی کوشش میں تھے،ان میں سے زیادہ تر کا تعلق افریقہ کے صحرائے اعظم کے جنوبی یا اس سے متصل علاقوں سے تھا۔