بھارتی کرکٹر ویرات کوہلی اور اداکارہ انوشکا شرما نے اپنی شادی میں شریک مہمانوں کو اپنی پسندیدہ کتاب ’رومی‘ تحفے میں دی۔
دونوں کی شادی اٹلی کے پر فضا مقام پر ہوئی جس میں ان کے خاندان کے افراد اور قریبی دوست شامل تھے جنہیں شادی شدہ جوڑے کی جانب سے نہایت قیمتی کتاب تحفے میں دی گئی۔
انوشکا شرما اور ویرات کوہلی کی شادی کی منتظم دیویکا نارائن کے مطابق انوشکا شرما اور ویرات کوہلی کو صوفی ازم اور شاعری سے گہرا لگاؤ ہے جس کی وجہ سے انہیں مولانا رومی بہت پسند ہیں یہی وجہ ہے کہ جوڑے نے شادی میں شریک مہمانوں کو مولانا رومی کی شاعری کا مجموعہ تحفے میں دیا ہے۔