ملتان میں سیزنل انفلوائنزہ کے مریضوں کی تعداد میں اضافہ

ملتان میں سیزنل انفلوائنزہ کی شدت میں ہر گزرتے دن کے ساتھ اضافہ ہورہا ہے، ملتان کے نشتر اسپتال میں مریضوں کی تعداد94 ہوگئی۔

ترجمان محکمہ صحت ملتان ڈاکٹر عطا الرحمان کے مطابق ملتان میں 15 دسمبر سے اب تک 179 افراد سیزنل انفلوائنزہ کے شبہ میں رپورٹ ہوئے جن میں سے 94 مریضوں میں سیزنل انفلوئنزہ کی تصدیق ہوئی ہے۔

سیزنل انفلوائنزہ کے 19 مریض اس وقت نشتر اسپتال کے آئسولیشن وارڈ میں زیر علاج ہیں جن میں سے 7 کی رپورٹ کا انتظار ہے ۔

ملتان میں سیزنل انفلوائنزہ سے اب تک 21 افراد انتقال کر چکے ہیں۔