سابق وزیر اعظم میاں محمد نواز شریف کی صاحبزادی مریم نواز کہتی ہیں کہ ساڑھے 4سال سےجاری کٹھ پتلیوں کے ناٹک کا یوم حساب قریب آپہنچا ہے۔
خالی کرسیاں گواہی دے رہی ہیں کہ عوام نے نوازشریف کی کہی بات کی تائید کردی ھے کہ سازشی عناصر2018 تک صبر کریں بلکہ 2018 کے بعد بھی صبر کریں۔
— Maryam Nawaz Sharif (@MaryamNSharif) January 17, 2018
سماجی رابطے کی ویب سائٹ ٹوئٹر پر اپنے پیغام میں مریم نواز نے متحدہ اپوزیشن کے آج کے جلسے پر تنقید کرتے ہوئے مزید کہا کہ خالی کرسیاں گواہی دے رہی ہیں کہ عوام نے نوازشریف کی بات کی تائید کردی ہے۔
انہوں نے مزید کہا کہ سازشی عناصر 2018 تک صبر کریں بلکہ 2018 کے بعد بھی صبر کریں ، 2018ء کے الیکشن میں یہ عوام کےغضب کا ایندھن بن جائیں گے۔
مریم نواز کہتی ہیں کہ اللہ کی شان ہے، استعفے مانگنے والوں کو استعفے دینا پڑگئے، اہلِ لاہور کی دانشمندی کو سلام ہے۔
ان کا کہنا ہے کہ یہ خالی کرسیاں نہیں ، عوام کی طرف سے سازشوں اور سازشیوں کو واضح اور دو ٹوک جواب ہے، ساڑھے چار سال سے جاری مسترد شدہ کٹھ پتلیوں کے ناٹک کا یوم حساب قریب آن پہنچا ہے ،یہ 2018ء کے الیکشن میں عوام کے غضب کا ایندھن ہوجائیں گے۔
مریم نواز نے کہا کہ مہروں کو احکامات بجا لانے کے لیے کیا کیا کرنا پڑتا ہے ، جس کو گالی دی ہو اسی کا ہاتھ پکڑنا پڑ جاتا ہے، ایسی ذلت سے سیاست چھوڑ دینا بہتر ہے ۔
انہوں نے مزید کہا کہ میاں صاحب نےان کےبیان پر اکبر الٰہ بادی کا یہ شعر پڑھا:
اکبر نے سنا ہے اہلِ غیرت سے یہی
جینا ذلت سے ہو تو مرنا اچھا