بلائنڈ کرکٹ ورلڈ کپ کے فائنل میں پاکستان اور بھارت کی ٹیمیں آمنے سامنے ہیں جس میں بھارت نے ٹاس جیت کر پاکستان کو پہلے بیٹنگ کی دعوت دی ہے۔
شارجہ کرکٹ اسٹیڈیم میں پاکستان اور بھارت کی ٹیمیں آج بلائنڈ ورلڈ کپ کے فائنل میں مدمقابل ہیں۔
اس سے قبل پاکستان نے سیمی فائنل میں سری لنکا کو زیر کیا تھا تو دوسری جانب بھارتی ٹیم نے بنگلا دیش کو ہرا کر فائنل تک اپنی رسائی ممکن بنائی تھی۔
خیال رہے کہ دونوں ٹیمیں ماضی میں ورلڈ کپ ٹرافی جیت چکی ہیں جس میں سے پاکستان نے 2 مرتبہ یہ اعزاز جیتا ہے جبکہ بھارت ایک بار بلائنڈ ورلڈ کپ جیت چکا ہے۔