وزیراعظم کا لعنت بھیجنےوالوں کوچیلنج

وزیراعظم شاہد خاقان عباسی نے کہا ہے کہ وہ پارلیمنٹ پر لعنت بھیجنے والوں کو چیلنج کرتے ہیں کہ وہ عدم اعتماد کی تحریک لائیں، ن لیگ کی سیاست خدمت کی سیاست ہے ۔

وزیراعظم شاہد خاقان عباسی نے کلورکوٹ میں عوامی اجتماع سے خطاب کرتے ہوئے کہا کہ سب کے پاس حکومت ہے مگر کوئی کام نہیں کرسکا ہے، آج مکمل ہونے والے منصوبے پہلے کیوں نہیں بن سکے، ترقیاتی منصوبوں کو روکنے کیلئے کبھی دھرنے ہوئے کبھی رکاوٹیں ڈالی گئیں اور دھرنے والوں کی سیاست یہی رہ گئی ہے ۔

انہوں نے کہا کہ پہلی بار یہ سیاست سامنے آئی ہے کہ اقتدار کے ادارے پر ہی لعنت بھیج دی جائے، ن لیگ نے ہمیشہ صوبوں کو ملانے کی بات کی۔

ان کا کہنا تھا کہ نواز شریف نے ثابت کیا ہے کہ ہم نعرے لگانے والے نہیں خدمت کرنے والے ہیں۔