• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

توہین عدالت کیس: دانیال عزیز کو شوکاز نوٹس جاری

تازہ ترین
قومی خبریں
19 فروری ، 2018
Sc Issues Show Cause Notice To Daniyal Aziz In Contempt Case

سپریم کورٹ آف پاکستان نے توہین عدالت کیس میں وفاقی وزیر برائے نجکاری دانیال عزیز کو شوکاز نوٹس جاری کردیا۔

جسٹس عظمت سعید شیخ کی سربراہی میں سپریم کورٹ کے 3 رکنی بنچ نے توہین عدالت ازخود نوٹس کیس کی سماعت کی۔

دانیال عزیز اپنے وکیل علی رضا ایڈووکیٹ کے ہمراہ سپریم کورٹ میں پیش ہوئے۔

سماعت کے بعد سپریم کورٹ نے دانیال عزیز کو شوکاز نوٹس جاری کرتے ہوئے قرار دیا کہ مختلف ٹی وی چینلز پر دیئے گئے بیانات کی روشنی میں دانیال عزیز بادی النظر میں توہین عدالت کے مرتکب قرار پائے ہیں۔

عدالت عظمیٰ نے اٹارنی جنرل کو استغاثہ کا کردار ادا کرنے کی ہدایت کرتے ہوئے نوٹس جاری کردیا۔

بعدازاں کیس کی سماعت جمعہ تک کے لیے ملتوی کردی گئی۔

واضح رہے کہ چیف جسٹس پاکستان جسٹس ثاقب نثار نے ٹی وی ٹاک شوز کے دوران دانیال عزیز کے عدلیہ مخالف بیانات پر 2 فروری کو توہین عدالت کا ازخودنوٹس لیتے ہوئے بینچ تشکیل دیا تھا۔

تازہ ترین