فاروق ستار اپنے قد سے بڑی بات نہ کریں،پیپلز پارٹی

پیپلز پارٹی رہنمائوں وقار مہدی اور راشد ربانی نےکہا ہے کہ فاروق ستار اپنے قد سے بڑی بات کرنے سے گریز کریں۔

فاروق ستار کے بیان پر ردعمل دیتے ہوئے پی پی رہنمائوں نے کہا کہ متحدہ قومی موومنٹ نے مہاجروں کو چن چن کر قتل کیا ہے۔

ان کا کہنا تھا کہ بانی متحدہ نے آصف زداری کے خلاف جو کہا وہ فاروق ستار نے دھرا دیا، لاکھوں اردو بولنے والوں کا مستقبل  پی پی پی ہے۔

وقار مہدی کا کہنا تھا  کہ فاروق ستار سمیت متحدہ کے تمام دھڑوں کا مستقبل تاریک ہے۔

راشد ربانی کا کہنا تھاکہ اردو بولنے والوں کو دوسروں سے لڑانے کا سہرا بھی متحدہ کے سر ہے۔