عدالتی فیصلہ نہ ماننے سے انارکی پھیلے گی ، خورشیدشاہ

پیپلز پارٹی کے سینئر رہنما اور اپوزیشن لیڈر سید خورشید شاہ نے کہا ہے کہ عدالتی فیصلہ نہ مانا اور ہٹ دھرمی دکھائی تو ملک میں انارکی پھیلے گی ۔

سپریم کورٹ کے فیصلے کے بعد ملکی سیاستی صورتحال پر تبصرہ کرتے ہوئے خورشید شاہ نے کہا کہ نوازشریف کو پارٹی صدارت سے نااہل کرنے کا فیصلہ عدالت کا ہے ،ن لیگ کو عدالتی فیصلہ قبول کرنا چاہیے ۔

انہوں نے یہ بھی کہا کہ میاں صاحب کا اپنا موقف ہے کہ عدالتوں کا فیصلے ماننا چاہیے،ن لیگ کو یہ فیصلے جس طریقے سے ممکن ہو قبول کرنا چاہیے۔

خورشید شاہ نے کہا کہ کچھ چیزیں ایسی ہیں جو میاں صاحب نے خود کی ہیں اور وہ ان کے سامنے آرہی ہیں، پارلیمنٹ کے فیصلے کو عدالت میں لے جانے کا رواج بھی نوازشریف نے ہی ڈالا تھا۔

ان کا یہ بھی کہناتھاکہ ن لیگ میں پارٹی قیادت کا سوال ہے تو میری نظر میں مریم نوازلیڈر شپ سنبھالیں گی،نوازشریف نے پچھلے دو تین جلسے ایسے کئے جس میں مریم نواز نے لیڈ کیا۔