وزیر اعلیٰ پنجاب سے سعد رفیق کی ملاقات

وزیر اعلیٰ پنجاب شہباز شریف کی وفاقی وزیر ریلوے خواجہ سعد رفیق کی ملاقات ہوئی جس میں ملکی سیاسی صورتحال پر تبادلہ خیال کیا گیا۔

دونوں رہنماؤں نے ملکی سیاسی حالات پر بات چیت کرتے ہوئے کہا کہ موجودہ صورتحال، تحمل اور برداشت کی متقاضی ہے، انہوں نے مزید کہا کہ خوشحالی کے سفر کو ڈی ریل نہیں ہونے دیں گے۔

وفاقی وزیر ریلوے خواجہ سعد رفیق کا کہنا تھا کہ شہباز شریف نے عوامی خدمت کے اعلیٰ ریکارڈ کر کے عوام کے دل جیت لیے ہیں۔

ذرائع کے مطابق اس ملاقات میں صوبائی وزیر صحت خواجہ سلمان رفیق بھی موجود تھے۔