بلدیوکمار کے پروڈکشن آرڈر پر سورن سنگھ کےبیٹے کا ردعمل

تحریک انصاف کے مقتول ایم پی اے سردار سورن سنگھ کے بیٹے اجے سنگھ نے الزام عائد کیا ہے کہ ایم پی اے بلدیو کمار ان کے والد کا قاتل ہے، بلدیو کمار کے پروڈکشن آرڈر جاری کرکے صوبائی اسپیکر اور وزیر اعلیٰ پرویز خٹک نے سینیٹ کے ایک ووٹ کے لیے قاتل سے ڈیل کی ہے ۔

ایک بیان میں اجے سورن سنگھ نے کہا کہ ایم پی اے بلدیو کمار پر عدالت میں مقدمہ چل رہا ہے، انہوں نے صوبائی حکومت سے سوال کیا کہ وہ بلدیو کمار کے خلاف سپریم کورٹ کیوں نہیں گئی۔

اجے سنگھ نے الزام عائد کیا کہ اسپیکر اور وزیر اعلیٰ نے سینیٹ کے ایک ووٹ کے لئے قاتل سے ڈیل کی ہے، ان کے والد مقتول سورن سنگھ پی ٹی آئی کے ورکر تھے ، اجے سورن سنگھ نے مطالبہ کیا کہ ان کے والد کے قاتل کو اسمبلی آنے سے روکا جائے ۔