• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بینکوں کے ڈپازٹس تاریخ کی بلند ترین سطح پر پہنچ گئے

اسٹیٹ بینک آف پاکستان کا کہنا ہے کہ گزشتہ مالی سال کے اختتام پر بینکوں کے ڈپازٹس تاریخ کی بلند ترین سطح 14 ہزار ارب روپے سے زائد پر پہنچ گئے۔

مرکزی بینک کے مطابق ڈپازٹس میں اضافے کی بڑی وجہ جون میں متعارف کرائی گئی، اثاثے ظاہر کرنے کی اسکیم کے تحت بینکوں میں جمع کرائی گئی رقم ہے۔

اسٹیٹ بینک کا کہنا ہے کہ جون میں بینکوں کے ڈپازٹس ریکارڈ سطح پر پہنچنے کا سلسلہ برقرار رہا، 17 سال میں بینکوں کے ڈپازٹس 13000 ارب روپے بڑھے ہیں۔

اسٹیٹ بینک کا مزید کہنا ہے کہ مالی سال 2019ء میں بینکوں کے ڈپازٹس 1395 ارب روپے اضافے سے 14458 ارب روپے ہو گئے ہیں۔

اسٹیٹ بینک کا یہ بھی کہنا ہے کہ مالی سال 2019ء میں بینکوں کے ڈپازٹس میں 10 فیصد اضافہ ہوا ہے، جبکہ مالی سال 2007ء میں بینکوں کے ڈپازٹس ریکارڈ 24 فیصد بڑھے تھے۔

تازہ ترین