متحدہ عرب امارات رواں سال کے آخر تک پاکستان میں پانچ ارب ڈالر کی سرمایہ کاری کرے گا۔
پاکستان میں متحدہ عرب امارات کے سفیر حماد عبید ابراہیم سالم الزابی نے عرب میڈیا سے بات چیت کرتے ہوئے کہا کہ یواےای رواں سال کے آخر تک پاکستان میں 5ارب ڈالر کی سرمایہ کاری کرے گا، جو آئل ریفائنری سیکٹر میں کی جائے گی۔
اماراتی سفیر کا کہنا ہے کہ آئل ریفائنری کا منصوبہ بلوچستان کے علاقے حب میں شروع کیا جائے گا، ریفائنری کی صلاحیت ڈھائی سے 3 لاکھ بیرل یومیہ ہوگی۔
رواں سال کے اوائل میں ولی عہد شیخ محمد بن زاید النہیان کے دورہ پاکستان کے موقع پر منصوبے کو حتمی شکل دی گئی تھی۔