پاناما لیکس کے معاملے پر متفقہ حکمت عملی کے لیے اپوزیشن پارٹیوں کے رابطوں میں تیزی آگئی ہے ،پی پی رہنماخورشید شاہ اور پی ٹی آئی رہنما شاہ محمود قریشی نے امیر جماعت اسلامی سراج الحق کو فون کیا۔
گفتگو کے دوران انکوائری کمیشن کے لیے متفقہ ضوابط کار لانے پر تبادلہ خیال کیا گیا ۔سراج الحق نے کہاکہ حکمرانوں نے ملک کو پھر بحران سےدوچار کر دیا،خود ہی بحران پیدا کرتے ہیں اور گلا اپوزیشن سےکررہے ہیں۔
تحریک انصاف کے شاہ محمود قریشی کہتے ہیں پاناما لیکس میں وزیر اعظم کے خاندان کا نام ہے ،تحقیقات کا آغازان سے کیا جائے۔پیپلز پارٹی کے راجہ پرویز اشرف کا کہنا ہے کہ دوسروں کو چور کہنے والے خود بہت بڑے ڈاکو نکلے۔
پارلیمنٹ ہائوس کے باہر اپوزیشن رہنما شیخ رشید نےخورشید شاہ سے 2مئی کے اجلاس میں نہ بلانے کا شکوہ کرڈالا،جس پر پی پی رہنما نے کہا کہ آپ ناراض کیوں ہوتے ہیں، کل آپ کے پاس حاضری دیں گے۔
فرمان الہی
نماز کے اوقات
