آج پاکستان کے انتقام لینے کا دن ہے، فرحان سعید

گلوکار و اداکار فرحان سعید کا کہنا ہے کہ آج نیوزی لینڈ سے انتقام لینے کا دن ہے۔

انہوں نے ٹی ٹوئنٹی ورلڈکپ میں پاکستان اور نیوزی لینڈ کے میچ سے قبل جاری اپنے ایک ٹوئٹ میں کہا کہ نیوزی لینڈ ایک بہترین ٹیم ہے، لیکن جو وہ کرچکے ہیں وہ سراسر غیر منصفانہ تھا۔

گلوکار نے لکھا کہ اب بات ذاتی معاملے تک پہنچ چکی ہے، ہم مغرور قوم نہیں ہیں، اس لیے اس کے نتائج کی بات نہیں کی۔

فرحان سعید نے یہ بھی لکھا کہ لیکن آج انتقام کا دن ہے ، پاکستان سے ٹکرانے کے لیے تیار رہیں۔

پاکستان کو آج نیوزی لینڈ سے جیتنا ہوگا، صبا قمر

اداکارہ صبا قمر کا ماننا ہے کہ ٹی ٹوئنٹی ورلڈکپ میں...

خیال رہے کہ ٹی ٹوئنٹی ورلڈ کپ میں قومی ٹیم آج اپنے دوسرے میچ میں نیوزی لینڈ کے خلاف مد مقابل ہوگی، بابر الیون یہ میچ بھی جیتنے کے لئے پرامید ہے۔

پاکستان اور نیوزی لینڈ کے درمیان میچ پاکستانی وقت کے مطابق آج رات 7 بجے شارجہ اسٹیڈیم میں کھیلا جائے گا۔

پاک نیوزی لینڈ میچ سے قبل ہی ٹوئٹر پر دلچسپ میمز

پاکستان سے اچانک دورہ منسوخ کرنے والی نیوزی لینڈ کی ٹیم کا آج ٹی ٹوئنٹی ورلڈکپ میں پاکستان سے ٹاکرا ہوگا۔

بھارت کو 10 وکٹوں سے تاریخی شکست اور مشن ورلڈ کپ کا فاتحانہ آغاز کرنے والی پاکستان ٹیم میں کسی تبدیلی کا امکان نہیں ہے۔