رانا شمیم کے صاحبزادے نے فیصل واوڈا کے الزامات مسترد کردیے

سابق چیف جج گلگت بلتستان رانا شمیم کے صاحبزادے احمد حسن نے فیصل واوڈا کے الزامات مسترد کردیے۔

اسلام آباد ہائی کورٹ میں والد رانا شمیم کے بیان حلفی سے متعلقہ سماعت کے بعد میڈیا سے گفتگو میں احمد حسن نے کہا کہ فیصل واوڈا نے سابق چیف جج گلگت بلتستان سے متعلق ٹی وی ٹاک شو میں اول فول بولا ہے۔

انہوں نے کہا کہ میں کبھی ایڈووکیٹ جنرل نہیں رہا، بطور اسسٹنٹ ایڈووکیٹ جنرل کام کیا ہے ، میرا ریکارڈ دیکھا جاسکتا ہے۔

خدشہ ہے جج رانا شمیم کا بیان حلفی جعلی ہے، چیف جسٹس اسلام آباد ہائیکورٹ

اسلام آباد ہائیکورٹ ے چیف جسٹس اطہر من اللہ نے کہا ہے کہ خدشہ ہے کہ چیف جج گلگت بلتستان رانا محمد شمیم کا بیان حلفی جعلی ہے۔

رانا شمیم کے صاحبزادے نے مزید کہا کہ میرے ریکارڈ سے پتا چل جائے گا کہ میں میرٹ پر بھرتی ہوا تھا یا پرچی پر آیا۔

اُن کا کہنا تھا کہ والد رانا شمیم کا موقف ہے کہ وہ اپنے بیان حلفی پر قائم ہیں۔