فرمان الہی
نماز کے اوقات
لاہور(نمائندہ جنگ، این این آئی)چیئرمین پاکستان پیپلزپارٹی بلاول بھٹو زرداری نے کہا ہے کہ طالبان کیخلاف سب سے زیادہ مزاحمت خیبر پختونخوا نے کی، حکومت ٹی ٹی پی سے مذاکرات کی تفصیلات پبلک کرے، عمران خان نے پاکستان کو مسائل کی دلدل میں دھکیل دیا، ریاست مدینہ کا نعرہ لگا کر عوام سے دو وقت کی روٹی چھین لی گئی، عوام آئندہ انتخابات میں نام نہاد تبدیلی کو مسترد کردیں۔ ان خیالات کا اظہار انہوں نے مانکی شریف میں میڈیا سے گفتگو کرتے ہوئے کیا۔ قبل ازیں بلاول بھٹو نے مانکی شریف میں تحریک پاکستان کے رہنما پیر سید امین الحسنات کے مزار پر حاضری دی اور پھولوں کی چادر چڑھائی، سابق وزیر پیر آف مانکی پیر نبی امین اور پیرزادہ محمد امین نے انکا استقبال کیا۔
