پیٹرول پمپ بند ہونے سے ریسکیو سروسز بھی متاثر

پٹرولیم ڈیلرز ایسوسی ایشن نے منافع کے مارجن کو بڑھانے کے لیے ملک بھر میں ہڑتال کی ہوئی ہے، جس کے باعث پٹرول پمپس بند ہونے سے ریسکیو سروسز بھی متاثر ہوگئی ہے۔

 کراچی میں رفاہی اداروں کی ایمبولینس سروس 50 فیصد تک متاثر ہوگئیں۔

پرچون کی دکانوں پر پٹرول 250 روپے فی لیٹر تک فروخت کیا جارہا ہے، شہری

شکرگڑھ میں بھی پیٹرولیم ڈیلرز ایسوسی ایشن کی ہڑتال پر پیٹرول پمپس بند ہیں۔ پیٹرول پمپس بند ہونے سے شہریوں کو شدید مشکلات کا سامنا ہے۔

ریسکیو ذرائع کا کہنا ہے کہ 50 فیصد ایمبولینسوں میں پٹرول ختم ہوگیا ہے، فائر بریگیڈ کے تین ٹینڈرز میں بھی ڈیزل نہیں ہے۔

گوجرانوالا میں پٹرول کی کمی سے ریسکیو سروس متاثر ہونے کا خدشہ بڑھ گیا ہے۔

ریسکیو ترجمان کا کہنا ہے کہ روزانہ کی بنیاد پر پٹرول ڈلواتے ہیں، ذخیرہ کرنے کا انتظام نہیں ہے۔