حکومت لوکل گورنمنٹ ترمیمی بل واپس، بلدیاتی انتخابات کروائے، حافظ نعیم

کراچی (اسٹاف رپوٹر) امیرجماعت اسلامی کراچی حافظ نعیم الرحمن نے سندھ لوکل گورنمنٹ ترمیمی بل 2021کو مسترد کرتے ہوئے کہا ہے کہ پیپلزپارٹی کی حکومت ترمیمی بل واپس لے کر کراچی میں بلدیاتی انتخابات کروائے، گورنر سندھ اس بل کی منظوری نہ دیں، موجودہ ترمیمی بل پاس کرواکے پیپلزپارٹی نے بلدیاتی اداروں کومزید اپنے کنٹرول میں لے لیا ہے ان خیالات کا اظہار انہوں نے ادارہ نورحق میں پریس کانفرنس سے خطاب کرتے ہوئے کیا، اس موقع پر امیرجماعت اسلامی ضلع جنوبی و رکن سندھ اسمبلی سید عبدالرشید نے بھی خطاب کیا۔ انہوں نے کہاکہ کراچی کے عوام کے ساتھ مل کر مزاحمتی تحریک چلائیں گے۔