فرمان الہی
نماز کے اوقات
پاکستان مسلم لیگ (ن) کے سیکریٹری جنرل اور سابق وفاقی وزیر احسن اقبال نے کہا ہے کہ غیر جمہوری طریقے سے سیاست دانوں کو باہر کرنے کا طریقہ ٹھیک نہیں ہے۔
جیو نیوز کے پروگرام ’آج شاہ زیب خانزادہ کے ساتھ‘ میں میزبان شاہ زیب خانزادہ کے ساتھ میں گفتگو کرتے ہوئے احسن اقبال کا کہنا تھا کہ ارشد ملک کو کس نے مجبور کیا تھا کہ الیکشن سے پہلے فیصلہ سنائیں۔
انہوں نے کہا کہ کس قانون کے تحت پابندی تھی کہ نوازشریف کی سزا الیکشن سے پہلے آنی چاہیے؟
ن لیگی رہنما کا کہنا تھا کہ کسی عدالتی تاریخ میں مثال نہیں ملتی کہ مانیٹرنگ جج تعینات کیا جائے۔
احسن اقبال نے کہا کہ غیر جمہوری طریقے سے سیاست دانوں کو باہر کرنے کا طریقہ ٹھیک نہیں ہے۔
انہوں نے یہ بھی کہا کہ رانا شمیم کو اگلی سماعت میں اصل بیان حلفی پیش کرنا ہے، بند اور شائع شدہ بیان حلفی میں کیا فرق ہوسکتا ہے، قیاس آرائی نہیں کرنی چاہیے۔
