• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

تحریک انصاف نے شوکت ترین کو سینیٹ کا ٹکٹ جاری کر دیا

حکمران جماعت پاکستان تحریک انصاف (پی ٹی آئی) نے وزیراعظم عمران خان کے مشیر برائے امور خزانہ شوکت ترین کو سینیٹ کا ٹکٹ جاری کردیا ہے۔

ذرائع کے مطابق پی ٹی آئی نے خیبرپختونخوا سے خالی سینیٹ کی نشست کے لیے شوکت ترین کو پارٹی ٹکٹ جاری کیا ہے۔

شوکت ترین کو سینیٹ نشست کےلیے پارٹی ٹکٹ پی ٹی آئی کے سیکریٹری جنرل عامر کیانی نے جاری کیا ہے۔

مشیر خزانہ خیبرپختونخوا سے سینیٹ الیکشن لڑنے کے لیے کل کاغذات نامزدگی جمع کرائیں گے۔

سیینیٹ کی یہ نشست پی ٹی آئی کے سینیٹر ایوب آفریدی کے استعفیٰ کے بعد خالی ہوئی تھی، جنہیں بعد ازاں وزیراعظم کا مشیر برائے اوورسیز مقرر کیا گیا تھا۔

قومی خبریں سے مزید