• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اس قوم پر رحم کھائیں، لوگ خودکشی کررہے ہیں، مشی خان حکومت پر برہم

کراچی (آئی ا ین پی) اداکارہ مشی خان نے گزشتہ روز کراچی کے نجی شاپنگ مال میں شہری کی خودکشی پر اپنے شدید رد عمل کا اظہار کیا ہے۔مشی خان نے ٹوئٹر پر ویڈیو پیغام جاری کیا جس میں ان کا کہنا تھا کہ میں نے خودکشی کرنے والے شخص کی ویڈیو دیکھی جس کے بعد سے صدمے کی کیفیت سے دوچار ہوں، میری طبیعت یہ واقعات دیکھ کر عجیب ہورہی ہے کہ واقعی یہ سب ہورہا ہے۔ انہوں نے کہا کہ ابھی کچھ دنوں قبل ایک صحافی نے نوکری سے نکالے جانے پر مہنگائی کے باعث اپنی جان دے دی تھی۔ مشی نے حکومتی اداروں سے درخواست کرتے ہوئے کہا کہ خدارا ہم سب کی حکومت سے اپیل ہے کہ کھانے پینے کی عام اشیا کو سستا کریں، لوگ جان سے جارہے ہیں اور آپ لوگ پچھلی حکومتوں کا رونا رورہے ہیں، بس کردیں، اس قوم پر رحم کھائیں، لوگ خودکشی کررہے ہیں، قوم کا دل رکھیں جو اتنی بڑی بڑی باتیں کرتے ہیں۔

دل لگی سے مزید