• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پریزائیڈنگ افسر پر نگاہ رکھنے کیلئے فونز میں ایپ ڈاؤن لوڈ کی ہے، سکندر سلطان راجہ

چیف الیکشن کمشنر سکندر سلطان راجہ نے کہا ہے کہ پریزائیڈنگ افسر پر کڑی نگاہ رکھنے کے لیے ان کے فونز میں ایپ ڈاؤن لوڈ کردی ہے۔

چیف الیکشن کمشنر سکندر سلطان راجہ نے جیونیوز سے گفتگو کرتے ہوئے کہا کہ الیکٹرانک ووٹنگ مشین کے استعمال کا جائزہ لینے کےلیے 3 کمیٹیاں تشکیل دی ہیں، کمیٹیوں میں پروفیشنل اور ٹیکنیکل لوگ شامل کیے گئے ہیں۔

انہوں نے مزید کہا کہ کمیٹیوں کی سفارشات کی روشنی میں ای وی ایم سے متعلق فیصلہ کریں گے، الیکٹرانک ووٹنگ مشین سے متعلق آئین و قانون کے تحت فیصلہ کریں گے۔

ان کا یہ بھی کہنا تھا کہ این اے 133 میں حکومت اور رینجرز کے اشتراک سے بہترین انتظامات کیے ہیں، تمام پولنگ اسٹیشنز پر پولیس تعینات ہوگی جبکہ رینجرز اہلکار گشت کریں گے۔

سکندر سلطان راجہ نے کہا کہ ڈسکہ الیکشن کے بعد کسی الیکشن میں پریزائیڈنگ افسر کے غائب ہونے کا واقعہ نہیں ہوا، ڈسکہ الیکشن میں بے ضابطگی کے ذمہ داروں کو سبق مل جائے گا۔

قومی خبریں سے مزید