جنرل بپن راوت ہیلی کاپٹر حادثے کی وجوہات سے جڑے چند اہم سوالات

بھارت کے پہلے چیف آف ڈیفنس اسٹاف (سی ڈی ایس) جنرل بپن راوت کے ہیلی کاپٹر حادثے سے پیدا کچھ سوالات تاحال جواب طلب ہیں۔

بھارتی میڈیا رپورٹ کے مطابق تامل ناڈو میں جنرل بپن راوت، اپنی اہلیہ و دیگر عملے سمیت ملٹری ہیلی کاپٹر حادثے میں جان کی بازی ہار گئے۔

میڈیا رپورٹ کے مطابق ایم آئی 17 ملٹری ہیلی کاپٹر حادثے نے چند سوالات اٹھادیے ہیں، جن کی جواب تاحال سامنے نہیں آئے۔

بھارتی ہیلی کاپٹر حادثہ: واحد زندہ بچنے والے فوجی افسر کا نام سامنے آگیا

بھارتی ملٹری ہیلی کاپٹر حادثے میں واحد زندہ بچ جانے والے فوجی افسر کا نام سامنے آگیا ہے ۔

بھارتی میڈیا کے مطابق کیا جنرل بپن راوت کا ہیلی کاپٹر بجلی کی تاروں سے ٹکرانے کے باعث تباہ ہوا؟

میڈیا رپورٹ کے مطابق بھارتی سی ڈی ایس کا ہیلی کاپٹر جب حادثے کا شکار ہوا تو وہ کتنی اونچائی پر محو پرواز تھا؟

جنرل بپن راوت کیساتھ پہلے بھی ہیلی کاپٹر حادثہ پیش آچکا تھا، بھارتی میڈیا

بھارت کے پہلے چیف آف ڈیفنس اسٹاف (سی ڈی ایس) جنرل بپن راوت کی زندگی کا دوسرا ہیلی کاپٹر حادثہ اُن کی جان لے گیا۔

رپورٹ میں سوال اٹھایاگیا کہ ہیلی کاپٹر کے حادثے کی وجہ کیا تھی؟ کیا ٹیکنیکل خرابی تھی جس کی وجہ سے ہائی پروفائل سواری پر مشتمل ملٹری ہیلی کاپٹر حادثے کا شکار ہوا؟

بھارتی میڈیا نے حادثے کی وجوہات جاننے کے لیے سابق ایم آئی 17 پائلٹ سے بھی استفسار کیا۔

جنرل بپن راوت ہلاک، وزیراعظم نریندر مودی نے دفاعی کمیٹی کا اجلاس بلالیا

بھارتی وزیراعظم نریندر مودی نے ملک کے پہلے چیف آف ڈیفنس جنرل بپن راوت کی ہلاکت کی تصدیق کے بعد کابینہ کمیٹی برائے سیکیورٹی کا اہم اجلاس طلب کرلیا ہے۔

سابق ایم آئی 17 ہیلی کاپٹر کے پائلٹ امیتابھ رنجن نے حادثے کی بڑی وجہ موسم کی خرابی کو قرار دیا۔

انہوں نے مزید کہا کہ ہیلی کاپٹر جس علاقے میں حادثے کا شکار ہوا وہ پہاڑی علاقہ ہے جہاں اکثر موسم خراب رہتا ہے۔

سابق ایم آئی 17 پائلٹ نے یہ بھی کہا کہ ہیلی کاپٹر حادثے کی دوسری وجہ تکنیکی خرابی ہوسکتی ہے۔