فرمان الہی
نماز کے اوقات
کراچی (اسٹاف رپورٹر)تین ٹی ٹوئنٹی اور تین ون ڈے انٹر نیشنل میچز کی سیریز کیلئے ویسٹ انڈین کرکٹ ٹیم جمعرات کو کراچی پہنچ گئی۔ کیریبین کنگز پاکستان میں وائٹ بال کرکٹ کے رنگ بکھیریں گے۔مقامی ہوٹل میں مہمان ٹیم کو سخت پہرے میں رکھا گیا ہے۔ پاکستان اور ویسٹ انڈیز کا پہلا ٹی ٹوئنٹی انٹر نیشنل پیر کی شام چھ بجے شروع ہوگا۔ بقیہ دو میچ منگل اور جمعرات کو ہوں گے۔ نیشنل اسٹیڈیم میں میچ کی تیاریاں جاری ہیں۔ پی سی بی کے کیو ریٹر آغا زاہد کی نگرانی میں پچوں کی تیاری کاکام جاری ہے۔ بظاہر بیٹنگ کے لئے ساز گار پچ دکھائی دے رہی ہے۔ پی سی بی نے میچوں کے دوران سوفیصد تماشائی کو آنے کی اجازت دے رکھی ہے اور ٹکٹوں کی آن لائن فروخت جاری ہے۔ کپتان کیرون پولارڈ انجری کے سبب سیریز سے دستبردار ہوگئے تھے۔ ٹی ٹوئنٹی میں ان کی جگہ رومان پاول اور ون ڈے میں ڈیورنڈ تھامس کو شامل کیا گیا ہے۔ 18 دسمبر کو پہلا ون ڈے انٹر نیشنل میچ کھیلا جائے گا۔
