کورونا ضابطہ اخلاق کی خلاف ورزی کرکے کرینہ اور امریتا کوویڈ کی شکار

کورونا وائرس ضابطہ اخلاق کی خلاف ورزی کرنے والی بھارتی اداکارہ کرینہ کپور خان اور امریتا اروڑا کورونا وائرس کا شکار ہوگئیں۔ 

ان سے متعلق ممبئی کی میونسپل کارپوریشن کا کہنا ہے کہ دونوں نے حال ہی میں کوویڈ-19 ضابطہ اخلاق کی خلاف ورزی کرتے ہوئے کئی پارٹیوں میں شرکت کی۔ 

تیمور اور جہانگیر کو اداکار نہیں بنانا چاہتی: کرینہ کپور

بالی ووڈ اداکارہ اور بیبو کے نام سے مشہور کرینہ کپور نے انکشاف کیا ہے کہ وہ اپنے دونوں بیٹوں تیمور علی خان اور جہانگیر علی خان کو اداکار نہیں بنانا چاہتی ہیں۔

اس کے ساتھ ساتھ ان دونوں اسٹارز کے کوویڈ 19 کے شکار ہونے کے بعد دوسروں سے ملاقاتوں پر تشویش کا اظہار کیا جارہا ہے۔ 

بتایا جارہا ہے کہ کرینہ کپور خان اور امریتا اروڑا بہت قریبی دوست ہیں اور عموماً ایک ساتھ ممبئی میں پارٹیز میں بھی جاتی رہتی ہیں۔ 

دوسری جانب ممبئی کی میونسپل کارپوریشن ان اداکاراؤں سے رابطے میں آنے والے تمام افراد کو پی سی آر ٹیسٹ کروانے کی ہدایت بھی کی ہے۔

رپورٹس میں بتایا گیا ہے کہ کرینہ اور امریتا دونوں کرن جوہر کی پارٹی میں بھی گئی تھیں، بی ایم سی نے دونوں پارٹیوں کے رابطوں کا پتہ لگانا شروع کر دیا ہے۔

ان اداکاراؤں کے رابطوں سے کچھ اور مشہور شخصیات کی رپورٹس آ سکتی ہیں۔