اومی کرون، پرینیتی چوپڑا نے متنبہ کردیا

معروف بالی ووڈ اداکارہ پرینیتی چوپڑا نے بھارت میں پھیلتے اومی کرون کیسز کے حوالے سے عوام کو متنبہ کردیا، انہوں نے کہا کہ کورونا کے اومیکرون ویرینٹ کے بارے میں غلط معلومات پھیلانے والوں کی باتوں پر توجہ نہ دیں اور احتیاط کریں۔

 پرینیتی چوپڑا نے اپنی انسٹا اسٹوری پر لکھا ہے کہ’ جو لوگ ابھی یہ کہہ رہے ہیں کہ اومیکرون ویرینٹ زیادہ خطرناک نہیں ہے، یہ وہی لوگ ہیں جو کہ کورونا کو معمولی موسمی زکام بتا رہےتھے‘۔

انہوں نے مزید لکھاکہ’ یہ بیماری چاہے زیادہ خطرناک نہیں ہے لیکن اس کے کیسز میں اضافہ دیکھنے میں آرہا ہے اور یہ ایک بار پھر ہمارے حفظانِ صحت کے نظام کو ناکام بنا سکتا ہے۔

بھارت؛ اومی کرون 11 ریاستوں تک پھیل گیا

بھارت میں عالمی وباء کورونا وائرس کی نئی قسم اومی کرون کے کیسز میں اضافہ جاری ہے، کورونا کا نیا ویرینٹ بھارت کی11 ریاستوں تک پھیل گیا ہے

انہوں نے عوام سے درخواست کی کہ’ برائے کرم! تمام تراحتیاطی تدابیر پر عمل کریں‘۔