صدر علوی سے اقوام متحدہ میں پاکستان کے مستقل مندوب منیر اکرم کی ملاقات

صدر مملکت ڈاکٹر عارف علوی سے اقوام متحدہ میں پاکستان کے مستقل مندوب منیر اکرم نے ملاقات کی۔

اس موقع پر ڈاکٹر عارف علوی کا کہنا تھا کہ بھارت نے کشمیر کے معصوم عوام پر ظلم و ستم کابازار گرم کر رکھا ہے۔

 عارف علوی نے کہا کہ عالمی برادری مقبوضہ کشمیر میں بھارتی فورسز کی انسانی حقوق کی سنگین خلاف ورزیوں کا نوٹس لے، بھارت کشمیر میں ماورائے عدالت قتل، تشدد اور معصوم مسلمانوں کی نظربندی میں ملوث ہے۔

انہوں نے کہا کہ عالمی برادری بھارت کو انسانی حقوق کی سنگین خلاف ورزیوں سے روکے اور اقوام متحدہ کی سلامتی کونسل کی قراردادوں پر عمل درآمد کرائے۔

ان کا یہ بھی کہنا تھا کہ بھارت اقلیتی گروہوں بالخصوص مسلمانوں اور عیسائیوں پر ظلم کررہا ہے، او آئی سی اجلاس نے افغانستان کی معاشی وانسانی صورتحال پر عالمی توجہ دلائی ہے۔