بھارت کی کمپنی نے دنیا کا سب سے سستا اسمارٹ فون متعارف کرادیا ہے جس کی قیمت صرف 99 بھارتی روپے ہے۔
بنگلور کی کمپنی نے اس سستے ترین اسمارٹ فون کا نام ’اچھے دن‘ رکھا ہے۔اسمارٹ فون میں چارانچ کا ڈسپلے ہے اور ایک جی بی ریم کےعلاوہ اندرونی اسٹوریج چار جی بی ہے جو مائیکرو ایس ڈی کارڈ کے ذریعے32 جی بی تک بڑھائی جاسکتی ہے۔
ایک وی جی اے سیلفی کیمرہ سامنے اور دو میگا پکسل کیمرہ بیک سائیڈ پر نصب ہے جبکہ تھری جی کے ساتھ دو سم لگانے کی گنجائش ہے۔
اسمارٹ فون تین مختلف ماڈلز اور رنگوں میں دستیاب ہے۔