لاہور میں اومی کرون کا پہلا کیس سامنے آگیا

لاہور میں کورونا کے اومی کرون وائرس کے پہلے مریض کی تصدیق ہوگئی ہے، محکمہ صحت کے مطابق 23 سالہ مریض گھر پر ہی زیر علاج ہے۔

محکمہ صحت پنجاب کے مطابق لاہور میں اومی کرون وائرس کے پہلے مریض کا تعلق بہار کالونی گلبرگ سے ہے۔

ٹریول ہسٹری کے مطابق اس نے سندھ کا سفر کیا تھا، یہ مریض گھر پر ہی زیر علاج ہے۔

مریض کی فیملی اور اس سے رابطے میں رہنے والے 12 افراد کے ٹیسٹ سیمپل لے لیے گئے ہیں۔

محکمہ صحت کے مطابق ٹیسٹ رپورٹس آنے پر مزید حقائق سامنے آئیں گے۔