36 مسافر کورونا کا شکار، دبئی جانے سے روک دیا گیا

کراچی سے دبئی جانے والے 36 مسافروں میں کورونا وائرس کی تصدیق ہوئی ہے۔

ایئر پورٹ ذرائع کے مطابق کورونا وائرس کے ٹیسٹ مثبت آنے والے مسافروں کو بورڈنگ سے روک دیا گیا ہے۔

ذرائع کا مزید کہنا ہے کہ ان مسافروں کے روانگی سے 4 گھنٹے قبل ریپڈ ٹیسٹ کیے گئے تھے۔

کورونا ایکٹیو کیسز میں اضافہ، 15 ہزار 192 ہو گئے

پاکستان کورونا مریضوں کے حوالے سے مرتب کی گئی فہرست میں 40 ویں نمبر پر آ گیا، تاہم یہاں کورونا کیسز کی شرح میں مسلسل اضافہ ہو رہا ہے اور یہ گزشتہ 24 گھنٹوں کے دوران 3 فیصد کے قریب ہو گئی، ایکٹیو کیسز میں بھی اضافہ جاری ہے جو 15 ہزار 192 ہو گئے۔

ذرائع نے یہ بھی بتایا ہےکہ جن مسافروں کے کورونا وائرس کے ٹیسٹ مثبت آنے انہیں قرنطینہ سینٹرز منتقل کر دیا گیاہے۔

واضح رہے کہ پاکستان بھر میں اب تک 28 ہزار 962 کورونا وائرس کے مریض انتقال کر چکے ہیں جبکہ اس موذی وائرس کے کُل مریضوں کی تعداد 13 لاکھ 2 ہزار 486 ہو چکی ہے۔