عوام کو مری کے موسم کی صورتحال کو سمجھنے کی ضرورت ہے: شاہد آفریدی

قومی کرکٹ ٹیم کے سابق کپتان شاہد آفریدی نے کہا ہے کہ عوام کو مری کے موسم کی صورتحال کو سمجھنے کی ضرورت ہے۔

سماجی رابطے کی ویب سائٹ ٹوئٹر پر جاری کیے گئے پیغام میں شاہد آفریدی نے کہا کہ ’مری میں جو ہوا انتہائی افسوس ناک ہے۔‘

شاہد آفریدی نے کہا کہ ’قیمتی جانوں کے ضیاع پر شدید افسوس ہورہا ہے، خدا اُن کی مغفرت فرمائے۔‘

اُنہوں نے کہا کہ ’انتظامیہ کے انتظامات ناکافی تھے، انتظامیہ  کو لوگوں کی آمد و رفت مانیٹر کرنے کی ضرورت تھی۔‘

سانحہ مری کا ذمہ دار کون؟ شرمیلا فاروقی کا سوال

پاکستان پیپلز پارٹی کی رہنما اور رکن سندھ اسمبلی شرمیلا فاروقی نے سانحہ مری پر افسوس کا اظہار کرتے ہوئے کئی سوالات اُٹھادیے۔

سابق کپتان نے عوام سے مخاطب ہوتے ہوئے کہا کہ ’موسم کی خراب صورتحال کے باعثت عوام کو بھی اپنا رویہ تبدیل کرنے کی ضرورت ہے۔‘

شاہد آفریدی نے مزید کہا کہ ’ہائی الرٹ اور وارننگ کو سنجیدگی سے نہیں لیا جاتا، خدا سب پر رحم کرے۔‘

واضح رہے کہ ملکۂ کوہسار مری میں برفانی طوفان کے باعث اب تک 22 ہلاکتیں ہو چکی ہیں، کلڈانہ کے مقام پر سرچ و ریسکیو آپریشن جاری ہے، لاشیں اسپتال نہیں لائی جا سکیں بلکہ اسکول منتقل کی گئی ہیں۔

مری میں گاڑیوں میں پھنسے 22 افراد جاں بحق ہو گئے: شیخ رشید

وفاقی وزیرِ داخلہ شیخ رشید احمد کا کہنا ہے کہ رات سے 1 ہزار گاڑیاں مری میں پھنسی ہوئی ہیں، ان پھنسی ہوئی گاڑیوں میں 20 افراد کی اموات ہوئی ہیں تاہم ریسکیو ذرائع نے 21 اموات کی تصدیق کی ہے۔

مری میں کافی تعداد میں اموات کی اطلاعات ہیں مگر راستے بند ہونے کی وجہ سے لاشیں اسپتال نہیں پہنچائی جا سکی ہیں۔