معروف بالی ووڈ ہدایتکارہ فرح خان کے قریبی دوست فیروز نے اپنی انسٹا اسٹوری پر اُنہیں سالگرہ کی مبارکباد دینے کے لیے ایک محبت بھرا پیغام شیئر کیاہے۔
جس پر فرح خان نے دوست کا سالگرہ کی مبارکباد دینے پر شکریہ ادا کرتے ہوئے اپنے انسٹا اکاؤنٹ پر پاکستانی اداکار فیروز خان کو ٹیگ کردیا۔
فرح خان نے اپنے سوشل میڈیا اکاؤنٹ پر فیروز خان کو غلطی سے پہلی بار ٹیگ نہیں کیا ہے بلکہ وہ ایسا ایک بار پہلے بھی کرچکی ہیں۔
مداح فرح خان کی اس انسٹا اسٹوری کو دیکھ کر تشویش میں مبتلا ہوگئے کہ کیا فیروز خان کی بھارتی فلمساز فرح خان کے ساتھ دوستی ہے۔
جبکہ اس حوالے سے کچھ سوشل میڈیا صارفین کا یہ بھی کہنا ہے کہ شاید فرح خان ایسا غلطی سے نہیں بلکہ کسی خاص مقصد کی وجہ سے کررہی ہیں۔