ریلوے خسارہ کم آمدنی بڑھائی جائے، اعظم سواتی

وزیر ریلوے محمد اعظم خان سواتی نے حکم دیا ہے کہ ریلوے میں بہتری لانے کے لیے اگر اوپن مارکیٹ سے پروفیشنلز کی ضرورت ہو تو بلا جھجک ان کی خدمات حاصل کر لی جائیں، ریلوے کا خسارہ کم کرنے کے لئے اخراجات کم اور آمدنی بڑھائی جائے ۔

ریلوے ہیڈ کوارٹرز آفس لاہور میں اجلاس کی صدارت کرتے ہوئے اعظم سواتی نے ریلوے آفیسرز کو ہدایت کی کہ وہ آزادانہ طور پر میرٹ پر کام کریں اور ریلوے کا ریونیو بڑھانے کیلئے ہر ممکن اقدامات کریں ۔

انہوں نے کہا کہ بوگس پاسز اور بغیر ٹکٹ سفر کا رجحان ختم کرنے کیلئے موثر اقدامات کئے جائیں اور ریلوے ٹریک پر عارضی رکاوٹوں کے خاتمے کے لیے موثر اقدامات کیے جائیں۔