فرمان الہی
نماز کے اوقات
دفتر خارجہ نے یوکرین سے پاکستانی شہریوں کے انخلاء سے متعلق تفصیلات جاری کردیں۔
اسلام آباد سے جاری بیان میں ترجمان دفتر خارجہ نے کہا کہ زیادہ تر پاکستانی بحران سے پہلے یوکرین چھوڑ گئے تھے۔
انہوں نے مزید کہا کہ پاکستانیوں نے سفارتخانے کے مشورے پر یوکرین سے انخلا کیا، 20 فروری کو 700 سے 800 پاکستانی طلبا اور 200 شہری یوکرین میں رہ گئے تھے۔
ترجمان دفترخارجہ نے کہا کہ ان میں سے 676 پاکستانی شہریوں کو یوکرین سے نکال لیا گیا ہے، 20 پاکستانی مختلف سرحدی مقامات پر ہیں، مزید 20 گزر گاہوں کے راستے پر ہیں۔
دفترخارجہ کے بیان کے مطابق خارکیف سے مزید 60 سے 70 پاکستانی ٹرین میں سوار ہوئے ہیں، 30 پاکستانی سومی اور چرنگیو میں ہیں، جنہیں حالات بہتر ہونے پر نکالا جائے گا۔
ترجمان دفترخارجہ مزید کہا کہ کچھ پاکستانی خود یوکرین میں رہنے کا انتخاب کررہے ہیں جبکہ ٹرنوپل میں سہولت مرکز تمام پاکستانیوں کے انخلا تک کام کرتا رہے گا۔
