نیتو کپور کا بہو، عالیہ بھٹ سے متعلق کیا کہنا ہے ؟

بھارتی معروف فنکار جوڑی، عالیہ بھٹ اور رنبیر کپور کی شادی آج ہوگی جس میں شرکت کے لیے رشتے دار اور مہمان رنبیر کپور کے گھر پہنچنا شروع ہوگئے ہیں۔

رنبیر کپور اور عالیہ بھٹ کی شادی کو جہاں بھارتی میڈیا کی جانب سے بھرپور کوریج مل رہی ہے وہیں اس شادی کا ہیش ٹیگ پاکستان کے ٹوئٹر پر بھی ٹاپ ٹرینڈز میں شامل ہے۔

رنبیر عالیہ کی ہلدی پر سخت سیکیورٹی انتظامات

عالیہ بھٹ اور چاکلیٹی ہیرو رنبیر کپور کی شادی کی تقریبات کا آغاز آج سے ہو رہا ہے۔

سیکیورٹی سخت ہونے کے باوجود میڈیا اس شادی سے کچھ نہ کچھ تازہ خبریں اور نئی معلومات اس جوڑی کے مداحوں تک پہنچا رہا ہے ۔

دوسری جانب شادی کی تاریخ میڈیا کو بتانے سے کترانے والی، رنبیر کپور کی والدہ، عالیہ بھٹ کی ہونے والی ساسو ماں نے بھی شادی کا اعتراف کر لیا ہے اور میڈیا کی جانب سے عالیہ بھٹ سے متعلق پوچھے گئے سوال پر تعریفوں کے پُل باندھ دیئے ہیں۔

رنبیر کپور ہاؤس میں داخل ہوتی نیتو کپور کو میڈیا کی جانب سے گھیر لیا گیا اور پوچھا گیا کہ ہونے والی بہو عالیہ سے متعلق کچھ بول دیں۔

اس پر نیتو کپور کا کہنا تھا کہ ’اب میں کیا بولوں، عالیہ بھٹ اتنی اچھی اتنی کیوٹ ہے، وہ بہت خوبصورت ہے، عالیہ بھٹ بالکل گڑیا جیسی ہے۔‘

نیتو کپور کا عالیہ بھٹ اور رنبیر کپور کو دعا دیتے ہوئے کہنا تھا کہ ’ خدا دونوں کو ہمیشہ خوش رکھے اور قسمت اچھی کرے۔‘

رنبیر کپور نے جوتا چھپائی کی رسم کیلئے کتنا بجٹ رکھا ہے؟

بالی ووڈ کی معروف اداکار جوڑی رنبیر کپور اور عالیہ بھٹ کی شادی میں جوتاچھپائی کی رسم کی تفصیلا ت بھی سامنے آگئی ہیں۔

واضح رہے کہ بالی ووڈ کے چاکلیٹی ہیرو، رنبیر کپور کے معاشقوں کی لمبی فہرست رہ چکی ہے۔

رنبیر کپور عالیہ بھٹ سے قبل دپیکا پڈوکون، نرگس فخری اور باربی ڈول کترینہ کیف کے ساتھ لمبے عرصے تک تعلقات میں رہ چکے ہیں۔