• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پٹرول اور بجلی مہنگی ہوگی, پاکستان نے آئی ایم ایف کا مطالبہ مان لیا

تازہ ترین
قومی خبریں
24 اپریل ، 2022


پاکستان نے عالمی مالیاتی ادارے (آئی ایم ایف) کے مطالبات مان لیے، ملک میں پٹرول اور ڈیزل مہنگا ہوگا، بجلی کی قیمت بھی بڑھائی جائے گی۔

ڈیفالٹ کا کوئی چانس نہیں، ہمیں مشکل فیصلے کرنا ہوں گے، مفتاح اسماعیل

وزیر خزانہ مفتاح اسماعیل نے کہا ہے کہ ہمیں مشکل فیصلے کرنے ہوں گے، ملک کے ڈیفالٹ کرنے کا کوئی چانس نہیں۔

آئی ایم ایف قرض پروگرام میں توسیع کے حوالے سے مذاکرات میں پاکستانی وفد نے تیل اور بجلی پر سبسڈی واپس لینے کی شرط مان لی۔

پاکستانی وفد میں وزیر خزانہ مفتاح اسماعیل، وزیر مملکت عائشہ غوث پاشا اور گورنر اسٹیٹ بینک رضا باقر اور دیگر حکام شریک تھے۔

واشنگٹن میں ہونے والے مذاکرات میں آئی ایم ایف نے پاکستانی وفد کی مکمل حمایت کی۔

پاکستان کو آئی ایم ایف سے 2 ارب ڈالر اضافی رقم ملنے کا امکان

واشنگٹن میں عالمی مالیاتی ادارے (آئی ایم ایف) سے پاکستان کے مذاکرات مثبت رہے ہیں، جس کے بعد 2 ارب ڈالر اضافی رقم ملنے کے امکانات پیدا ہوگئے ہیں۔

مطالبات کی ماننے پر آئی ایم ایف نے پاکستان کے لیے اپنے قرض پروگرام میں توسیع دینے پر رضامندی ظاہر کردی۔

پاکستان اور آئی ایم ایف میں تکنیکی سطح پر بات چیت منگل سے شروع ہوگی، مذاکرات کے بعد مِشن مئی میں پاکستان آئے گا۔

آئی ایم ایف مشن کے پاکستان آنے سے پہلے بجلی اور پٹرول کی قیمتیں بڑھیں گی، وزارت خزانہ اس حوالے سے اعلامیہ بھی جاری کردیا۔

قومی خبریں سے مزید