• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملکہ کو ریاست کا سربراہ رکھنا ہے یا نہیں، خود طے کرلیں، شہزادہ چارلس

شہزادہ چارلس کا دولت مشترکہ سمٹ سے خطاب کے دوران ایک انداز
شہزادہ چارلس کا دولت مشترکہ سمٹ سے خطاب کے دوران ایک انداز

برطانیہ کے شہزادہ چارلس نے دولت مشترکہ میں شامل ممالک کے رہنماؤں سے کہا ہے کہ ملکہ برطانیہ کو اپنی ریاست کا سربراہ برقرار رکھنے سے متعلق ہر رکن ملک خود فیصلہ کرنے کے لیے آزاد ہے۔

شہزادہ چارلس نے یہ بات افریقی ملک روانڈا میں ہونے والی دولت مشترکہ ممالک کے صدور اور وزرائے اعظم کی سمٹ کی افتتاحی تقریب میں کہی۔

انہوں نے کہا کہ وہ سمجھتے ہیں کہ یہ بنیادی تبدیلیاں بہت سکون کے ساتھ بغیر کسی تلخی کے عمل میں لائی جاسکتی ہیں۔

واضح رہے کہ افریقی ملک بارباڈوس نے پچھلے سال نومبر میں تاریخی اقدام کرتے ہوئے ملکہ برطانیہ کی ریاست کے سربراہ کی حیثیت تبدیل کردی تھی۔

بارباڈوس نے نومبر 2021 میں ملک کے پہلے صدارتی انتخاب کے دوران اپنے صدر کا چناؤ کیا تھا، اس تقریب میں شہزادہ چارلس نے بھی شرکت کی تھی۔

شہزادہ چارلس دولت مشترکہ میں شامل ممالک کے سربراہان کی سمٹ میں ملکہ برطانیہ کی نمائندگی کے لیے موجود ہیں۔

افتتاحی تقریب میں اپنے خطاب کے دوران شہزادہ چارلس نے کہا کہ میں واضح طور پر کہنا چاہتا ہوں کہ ہر رکن ملک اپنے ملک کے آئینی انتظام کا فیصلہ کرسکتا ہے۔

چاہے دولت مشترکہ کا کوئی رکن ملک بحیثیت جمہوری ریاست آئینی معاملات چلانا چاہے یا شاہی نظام کے تحت، وہ یہ فیصلہ خود کرسکتا ہے۔

بین الاقوامی خبریں سے مزید