عمران ریاض کے خلاف 20 مقدمات ہیں، ملک احمد خان

وزیر قانون پنجاب ملک احمد خان نے کہا ہے کہ گزشتہ رات اٹک سے گرفتار کیے گئے عمران ریاض کے خلاف 20 کے قریب مقدمات ہیں۔

انہوں نے کہا کہ عمران ریاض نے اداروں کے خلاف ایک وڈیو سوشل میڈیا چینل پر ڈالی، کوئی بھی ایسا مواد جو سیکیورٹی کے خلاف ہوگا اس پر پابندی ہے۔

وزیر قانون پنجاب کا کہنا تھا کہ عمران ریاض قانون سے بالا نہیں، انہوں نے آئین اور قانون کی خلاف ورزی کی ہے۔

عمران ریاض کیس، پیکا ایکٹ کی 5 دفعات حذف

اینکر پرسن عمران ریاض خان کے کیس کی سماعت راولپنڈی میں اسپیشل مجسٹریٹ پرویز خان کی عدالت میں ہوئی۔

ملک احمد خان نے مزید کہا کہ آپ تنقید سے آگے جاکر ذاتی ایجنڈا چلا رہے ہیں جو پاکستان کی سالمیت کے خلاف ہے۔

دوسری جانب عمران ریاض کو اٹک کی مقامی عدالت میں پیش کردیا گیا۔