• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

متعدد سرکاری ادارے قومی خزانے پر بوجھ ہیں: عائشہ غوث پاشا

تازہ ترین
قومی خبریں
27 جولائی ، 2022
—فائل فوٹو
—فائل فوٹو

وزیرِ مملکت برائے خزانہ عائشہ غوث پاشا نے کہا ہے کہ کمرشل اداروں سمیت متعدد سرکاری ادارے قومی خزانے پر بوجھ ہیں۔

اسلام آباد میں کارپوریٹ گورننس پر سیمینار سے خطاب کرتے ہوئے انہوں نے کہا کہ سرکاری اداروں کی کارکردگی سے متعلق مسائل موجود ہیں۔

عائشہ غوث پاشا نے کہا کہ ملک مالی خسارے کا شکار ہے، پاکستان کو متعدد مالی مسائل کا سامنا ہے۔

گزشتہ حکومت کے فیصلوں کا بوجھ ہم پر پڑ رہا ہے: عائشہ غوث پاشا

وزیرِ مملکت برائے خزانہ و ریونیو ڈاکٹر عائشہ غوث پاشا کا کہنا ہے کہ گزشتہ حکومت نے کچھ ایسے فیصلے کیے جن کا بوجھ ہم پر پڑ رہا ہے۔

اُنہوں نے کہا کہ سرکاری محکموں کو موجودہ ضروریات کے مطابق فعال کرنے کی ضرورت ہے، سرکاری اداروں کو سروس ڈیلیوری یقینی بنانا ہوگی۔

وزیرِ مملکت برائے خزانہ نے مزید کہا ہے کہ آج کے دور میں تمام شعبوں کو کام کرنے کی ضرورت ہے۔

عائشہ غوث پاشا کا یہ بھی کہنا ہے کہ سرکاری اداروں کے بورڈ آف ڈائریکٹرز کو مؤثر بنانا ہو گا۔

قومی خبریں سے مزید