عمران خان کا دورہ لاہور ایک بار پھر ملتوی

پاکستان تحریک انصاف کے چیئرمین عمران خان کا دورہ لاہور ایک بار پھر خراب موسم کے باعث مؤخر ہوگیا۔

ذرائع کے مطابق عمران خان آج ایک روزہ دورے پر لاہور پہنچنے والے تھے، جہاں انہیں پارلیمانی پارٹی اجلاس سے خطاب کرنا تھا لیکن خراب موسم کی وجہ سے دورہ مؤخر کردیا گیا ہے۔

یاد رہے کہ گزشتہ روز بھی عمران خان موسم کی خرابی کے باعث اسلام آباد سے  لاہور نہیں آسکے تھے۔

واضح رہے کہ ق لیگ اور پی ٹی آئی کی مشترکہ پارلیمانی پارٹی کا اجلاس پنجاب اسمبلی میں ہونا تھا۔

اجلاس میں وزیر اعلیٰ پنجاب، شاہ محمود، اسد عمر، فواد چوہدری، فرخ حبیب و دیگر کی شرکت بھی متوقع تھی۔

دوسری جانب پنجاب اسمبلی آج نیا اسپیکر منتخب کرے گی جبکہ ڈپٹی اسپیکر دوست محمد مزاری کیخلاف تحریک عدم اعتماد پر بھی ووٹنگ ہوگی۔