اترپردیش کے وزیراعلیٰ کا سرخ قالین پر سیلاب کا جائزہ

بھارتی ریاست اترپردیش کے وزیراعلیٰ یوگی ادیتیاناتھ سیلاب متاثرین سے ملنے پہنچے تو ان کے کیلئے سرخ قالین بچھا دیا گیا۔

وزیراعلیٰ کو آسی گھاٹ کے مقام تک پہنچنا تھا جو سیلاب کے بعد گنگا نہر میں ڈوب چکا ہے۔

اس سلسلے میں انتظامیہ نے یوگی ادیتیاناتھ کیلئے چھوٹا اسٹیج نما راستہ بنایا اور اس پر سرخ قالین بچھا دیا۔

سیاسی مخالفین اور بھارتی میڈیا میں ان پر شدید تنقید ہو رہی ہے کہ وہ مصیبت زدہ لوگوں سے ملاقات کیلئے بھی وی آئی پی بن کر گئے۔