فرمان الہی
نماز کے اوقات
وزیر اعظم شہباز شریف کے معاون خصوصی عطا تارڑ نے الزام عائد کیا ہے کہ پاکستان تحریک انصاف (پی ٹی آئی) کے جلسوں میں 25 سے 30 کروڑ روپے خرچ کیے جا رہے ہیں۔
اسلام آباد میں پریس کانفرنس کرتے ہوئے عطا تارڑ نے کہا کہ بدقسمتی ہے ایک شخص کروڑوں روپے لگا کر جلسے کر رہا ہے، ایک سیاسی جماعت سیلاب کی آفت کے دوران سیاست کر رہی ہے، پنجاب حکومت نے سیلاب زدگان کو بے یار و مدد گار چھوڑ دیا۔
عطا تارڑ نے کہا کہ پنجاب کے سیلاب متاثرہ علاقوں میں صوبائی حکومت کی کارکردگی نہ ہونے کے برابر ہے، پنجاب میں ادویات کی قلت ہو گئی ہے، پنجاب میں حکومت کو صرف ایک ووٹ کی برتری حاصل ہے، پرویز الہٰی نے آج عثمان بزدار کی یاد دلا دی ہے۔
انہوں نے کہا کہ مشکل گھڑی میں ہمارا جلسے جلوسوں کا ارادہ نہیں، پنجاب حکومت عوام کوڈلیور کرنے میں ناکام ہوگئی ہے، پنجاب میں ہم نے جو گڈگورننس قائم کی تھی وہ اب نہیں، گورنر راج کے حوالے سے کوئی تجویز زیر غور نہیں نہ اس پر بات ہوئی ہے۔
عطا تارڑ نے کہا کہ کیا ہیروں کی تجارت میں فرح گوگی کا کوئی کردار نہیں؟ فرح گوگی کے کیسز کو کس کے کہنے پر بند کیا گیا؟ فرح گوگی اور ان کے شوہر کو پاکستان کیوں نہیں لایا جا رہا۔
