پاکستان اور انگلینڈ کی ٹیمیں لاہور پہنچ گئیں

ٹی ٹوئنٹی سیریز کے دوسرے مرحلے کے 3 میچز کھیلنے کے لیے پاکستان اور انگلینڈ کی ٹیمیں کراچی سے لاہور پہنچ گئیں۔ 

دونوں ٹیموں اور آفیشل نے پی آئی اے کی خصوصی پرواز پی کے 6312 سے سفر کیا۔

کھلاڑیوں کو سخت سیکیورٹی میں بیک وقت ہوٹل سے کراچی ایئر پورٹ کے ٹرمینل پہنچایا گیا۔

پاکستان اور انگلینڈ کی ٹیمیں آج آرام کریں گی۔

پاکستان اور انگلینڈ کی ٹیموں کے درمیان لاہور میں 3 ٹی ٹوئنٹی میچز کھیلے جائیں گے۔

لاہور کے قذافی اسٹیڈیم میں 28 ستمبر، 30 ستمبر اور 2 اکتوبر کو میچز ہوں گے، دونوں ٹیموں کا آج لاہور میں ٹریننگ سیشن شیڈول نہیں ہے۔

پاکستان نے اعصاب شکن مقابلے کے بعد انگلینڈ کو شکست دیدی

پاکستان کی جانب سے دیے گئے 167 رنز کے ہدف کے تعاقب میں انگلینڈ کی ٹیم 163 رنز پر آل آؤٹ ہوگئی۔

پاکستان اور انگلینڈ کی ٹیمیں کل شام قذافی اسٹیڈیم میں ٹریننگ کریں گی۔

واضح رہے کہ پہلے مرحلے میں 4 ٹی ٹوئنٹی میچز نیشنل اسٹیڈیم کراچی میں کھیلے گئے، جس میں دونوں ٹیموں نے 2،2 میچز اپنے نام کیے۔