وزیراعظم شہباز شریف سے سعودی سفیر کی ملاقات

وزیراعظم شہباز شریف سے سعودی عرب کے سفیر نواف سعید المالکی نے ملاقات کی ہے، اس موقع پر وزیراعظم نے پاکستان میں سیلاب زدگان کیلیے بھرپور مدد پر سعودی قیادت اور عوام سے اظہار تشکر کیا۔

اعلامیہ کے مطابق وزیراعظم نے شاہ سلمان اور ولی عہد محمد بن سلمان کیلئے نیک تمناؤں کا اظہار کیا۔

سعودی سفیر سے ملاقات میں وزیراعظم نے کہا کہ مختلف شعبوں میں دو طرفہ تعاون مزید مضبوط بنانے کی مشترکہ خواہش ہے۔

تعلقات میں اضافے کی رفتار برقرار رکھنے کیلئے وزیراعظم نے مختلف سطح پر تبادلوں کی اہمیت پر زور دیا۔

وزیراعظم نے امدادی سرگرمیوں میں سعودی عرب کے سفیر کے اہم کردار کو بھی سراہا۔