ریپ کے الزام کا سامنا کرنے والے نیپالی کرکٹر وطن پہنچتے ہی گرفتار

ریپ کے الزام کا سامنا کرنے والے نیپالی کرکٹر کو وطن پہنچنے پر پولیس نے حراست میں لے لیا۔

غیر ملکی میڈیا کے مطابق سابق کپتان 22 سالہ سندیپ لامے چانے عدالت کی جانب سے وارنٹ گرفتاری جاری ہونے کے تقریباً ایک ماہ بعد وطن واپس پہنچے تھے۔ وہ پہلے ہی زیادتی کا الزام مسترد کرچکے ہیں۔

مقامی پولیس کے مطابق کرکٹر نے اپنے سوشل میڈیا اکاؤنٹ پر اس حوالے سے لکھا تھا کہ وہ الزامات کا سامنا کرنے واپس نیپال جارہے ہیں۔

سندیپ لامے چانے نے سوشل میڈیا پر لکھا تھا کہ تحقیقات کے تمام مراحل میں مکمل تعاون کروں گا اور اپنی بے گناہی ثابت کرنے کے لیے قانونی جنگ لڑوں گا۔

امریکا میں اغوا کیے گئے بھارتی نژاد خاندان کے چاروں افراد قتل

امریکا میں اغوا کیے گئے بھارتی نژاد خاندان کے افراد کی لاشیں ریاست کیلیفورنیا کے کھیتوں سے مل گئیں۔

غیرملکی میڈیا کے مطابق گزشتہ ماہ 8 ستمبر کو عدالت کی جانب سے وارنٹ جاری ہونے کے بعد سندیپ لامے چانے سے نیپال کرکٹ ٹیم کی کپتانی واپس لے لی گئی تھی۔

رپورٹس کے مطابق 17 سالہ لڑکی نے سندیپ لامے چانے پر کھٹمنڈو کے ایک ہوٹل میں زیادتی کا الزام عائد کیا ہے۔