لاوارث لاشیں چھت پر رکھنے کا سن کر بہت دکھ ہوا، ڈاکٹر سیمی جمالی

ڈاکٹر سیمی جمالی نے ملتان کے نشتر اسپتال کی چھت سے لاشیں ملنے کے معاملے پر گفتگو کرتے ہوئے کہا ہے کہ لاوارث لاشیں چھت پر رکھنے کا سن کر بہت دکھ ہوا۔

نشتر اسپتال کی چھت پر 35 کے قریب لاشیں دیکھیں، مشیر وزیراعلی پنجاب طارق زمان گجر

طارق زمان گجر نے کہا کہ اسپتال کی چھت پر لاشوں کو گدھ اور کیڑے کھا رہے تھے، چھت فوری کھلوائی تو وہاں 3 تازہ لاشیں تھیں، چھت پر پرانی 35 لاشیں تھیں، جنہیں گنا اور ویڈیو بنوائی۔

جیو نیوز کے پروگرام ’آج شاہزیب خانزادہ کے ساتھ‘ میں گفتگو کرتے ہوئے ڈاکٹر سیمی جمالی نے کہا کہ آج تک ایسا نہیں ہوا کہ لاشیں سُکھانے یا طلبا کو پڑھانے کیلئے چھت پر رکھی جائیں۔

سیمی جمالی نے کہا کہ لاشیں پوسٹ مارٹم کے بعد ایدھی یا چھیپا کے حوالے کردی جاتی ہیں، لاشوں کے پوسٹ مارٹم کے بعد ان کی فلاحی ادارے تدفین کر دیتے ہیں۔

ڈاکٹر سیمی جمالی نے کہا کہ لاشوں سے بہت زیادہ بدبو آتی ہے، میڈیکل کے طلباء کو فریش باڈی پر پڑھایا جاتا ہے۔