T20ورلڈ کپ پریس کانفرنس کے دوران پاک بھارت کپتانوں نے کیا بات کی؟

ٹی ٹوئنٹی ورلڈ کپ کے حوالے سے ہونے والی پریس کانفرنس کے دوران پاکستان کرکٹ ٹیم کے کپتان بابر اعظم اور بھارتی کپتان روہت شرما کی گفتگو کی تفصیلات سامنے آگئیں۔

پریس کانفرنس کے موقع پر دونوں کپتانوں نے بہت ہی خوشگوار انداز میں گفتگو کی اور اس دوران انہوں نے ماضی سے متعلق بھی بتایا۔

پاکستان کرکٹ ٹیم کے کپتان بابر اعظم نے کہا کہ روہت شرما عمر میں مجھ سے بڑے ہیں، کرکٹ میں ان کی خدمات ہیں، کوشش کرتے ہیں کہ ان سے تجربہ لیں۔

ورلڈ چیمپئن کپتان کا بابر اعظم کو ورلڈ کپ سے پہلے تحفہ

آئی سی سی ٹی ٹوئنٹی ورلڈ کپ کے آغاز سے پہلے میلبرن میں کپتانوں کے فوٹوسیشن کی تقریب اور پریس کانفرنس کے موقع پر آسٹریلوی کپتان ایرون فنچ نے بابر اعظم کو سالگرہ کا کیک پیش کیا۔

اس موقع پر بھارتی کپتان روہت شرما نے کہا کہ پاکستانی کھلاڑیوں سے ملتے ہیں تو فیملی کے بارے میں پوچھتے ہیں، زندگی کیسی گزر رہی ہے؟ کونسی نئی گاڑی خریدی؟ یہ سب باتیں ہوتی ہیں۔

واضح رہے کہ ٹی ٹوئنٹی ورلڈ کپ میں روایتی حریفوں کا ٹاکرا 23 اکتوبر کو ہوگا۔