میرپورخاص(نامہ نگار) میرپورخاص اور گردونواح میں شدیدگرمی کا سلسلہ بدستور برقرار ہےجس کے باعث ایک شخص ہلاک جبکہ 6افراد اسپتال پہنچ گئے تفصیلات کے مطابق بدھ کو بھی سورج آگ برساتا رہا جس سے میرپورخاص اور اس کے اطراف کے علاقے سخت گرمی کی لپیٹ میں رہے،شدیدتپش اور بدن کو جھلسا دینے والی گرم ہوا کے باعث لوگوں کی بڑی تعداد گھروں تک محدود رہی اورسڑکوں،گلی،محلوں اور بازاروں میں ہوکا عالم رہا۔ گرمی سے بچنے کے لئے لوگوں کی بڑی تعداد نے نہروں اور شاخوں کا رخ کرلیا،برف کی مانگ میں اضافہ ہوگیا ،گرمی سے بچنے کی کوشش میں پھلاڈیوں کے قریب 60سالہ عمرشر نہر میں نہاتے ہوئے ڈوب کر ہلاک ہوگیا،جبکہ گرمی سے متاثرہ 6افراد کو اسپتال لایا گیا،شدید گرمی میں بجلی کی آنکھ مچولی جاری رہی ،جس سے شہری اور با لخصوص روزے دار اذیت میں مبتلا رہے۔
فرمان الہی
نماز کے اوقات
