فرمان الہی
نماز کے اوقات
اقوام متحدہ نے امریکا کو ایران میں جنگی جرائم کا مرتکب قرار دے دیا۔ یو این فیکٹ فائنڈنگ مشن کی تازہ رپورٹ سامنے آگئی۔
رپورٹ کے مطابق ایران میں مِناب پرائمری اسکول اور لامرد اسپورٹس کمپلیکس پر امریکی حملے جنگی جرائم کے زمرے میں آتے ہیں۔
مِناب کے شجر طیبہ ایلی مینٹری اسکول پر امریکا نے ٹوما ہاک میزائلوں سے حملہ کیا تھا۔ جس سے 120 بچوں سمیت 150 سے زائد افراد شہید ہوئے تھے۔
لامرد اسپورٹس کمپلیکس پر ہزاروں چھروں سے لیس بموں سے حملہ کیا گیا۔ اس حملے میں 22 افراد جان سے گئے۔
یو این رپورٹ کے مطابق دونوں مقامات پر سویلین آبادی واضح طور پر دیکھی جاسکتی تھی۔ امریکی محکمہ خارجہ نے یہ رپورٹ مسترد کردی۔
ٹرمپ انتظامیہ پہلے ہی انسانی حقوق کونسل سے علیحدگی اختیار کرچکی ہے۔
